Pa motibo di bende productonan cu a caduca caba a cera Cheung Gong Supermarket den Apelsinastraat. Tambe higiena a laga di desea. Polis hunto cu Departamento di Asuntonan Economico (DEZHI) y Departamento di Higiena a tene control den tres supermercado dialuna mainta.
A bishita Lee Feng den Caya G.F. Croes unda tur cos tabata bon. Tambe YiYi riba Avenida Juan Pablo II. Durante control a keda di bishita bek Lee Feng mas den siman pa bolbe controla. E control ta riba prijsnan di productonan cu ta riba “Canasta Basico” y tambe ta controla pa fecha y higiene paden y rond di edificio.
No ta descarta cu lo controla mas supermercado rond di nos isla riba dianan venidero. Den e caso aki e situacion na Cheung Gong tabata asina serio cu no por a laga e lugar habri. Tambe na Yiyi tabata tin algun situacion unda a hala atencion di esnan responsabel pa e localidad. .
