Recientemente a tuma luga apertura di SummerGlass Aruba. E doñonan Anthony Muyale y Elly Muyale tabata feliz cu e evento aki. SummerGlass Aruba ta e distribuidornan oficial pa loke ta proteccion solar.
Na e apertura tabata presente algun invitado, unda cu a mantene na e reglanan di DVG. E gerente di SummerGlass Panama, Robert Chuy, tabata presente y a splica cu e producto aki ta inclui instalacion di tint di bentana di auto. E servicio cu nan ta duna no ta solamente tint pa auto, pero tambe pa residencia- y companianan.
E tint di bentana ta lamina pa cristalnan cu ta combina cu variedad, calidad, proteccion, garantia y eficiencia. E ta percura pa mantene e calor pafo. Tin un filter cu ta 99% cu ta proteha bo di rayonan di UV, pero tambe ta yuda maximilisa e eficiencia di airco.
Haciendo uzo di e producto aki di SummerGlass Aruba ta proteha mueblenan pa nan no daña ni perde color, ta reduci consumo di energia.
Anthony Muyale tin añanan caba ta haci e trabou di upholstering y no solamente pa auto, pero di mueblenan tambe. Awo e ta sigui crece y p’esey a bin cu SummerGlass Aruba, situa na Tanki Leendert 10b local 18, e ta e mall dilanti Sing Fung Food Center.
E vision di SummerGlass Aruba ta pa provee cliente cu un calidad di producto excelente, provee clientenan corporativo e confiansa necesario pa un relacion largo.
SummerGlass ta un frankisia cu por haya na diferente pais entre otro Panama, Republica Dominicana, Venezuela, Guatemala, Honduras, Chile, Costa Rica y awo Aruba.
Nan tin un variedad di producto entre otro Nano Carbon, BlackedUp, Nano Ceramic, Safety Pro, Titanium. Pa mas informacion of pa un cita por yama na 5924849, tambe por haya contacto na nan pagina di Facebook Summer-glass Aruba.
