Si el a gana contra di Suisa, Serbia lo a sigura si ticket pa e octavonan di final. E obhetivo aki a impulsa e Aguilanan blanco, hopi incisivo den e prome compasnan. Tras tormenta Yann Sommer cu su prome cabesaso, Aleksandar Mitrovic a materialisa e gol den su di dos intento den minuut 5.
E Serbionan ya a haci lo mas dificil, pero nan tabata kier mas. Impulsa pa Dusan Tadic, for di e banda drechi, nan a purba dobla su hazaña pero sin logra esaki. E Helveticonan, di nan banda, a busca pacientemente e manera di arma accionnan di atake cu apenas tabata materialisa den ocasionnan berdadero. Blerim Dzemaili a dispone di e unico intento na Suiza den mey ora di partido, wanta pa Vladimir Stojkovic.
E descanso parce a duna ideanan na Nati, cu a mustra un gran iniciativa den e reanudacion. Ademas di iguala e contienda pa medio di un cañonaso soberbe di parti di Granit Xhaka (52), e tabata apunto di tuma e delantera cinco minuut despues. Sin embargo, e tiro largo a frusta e tentativa di Xherdan Shaqiri.
Loke a pasa ta cu frecuentemente e artiyero di 1.69 meter di estatura, a warda lo miho pa final. El a gana e duelo contra Stojkovic y a pone su pais den un posicion ideal prome cu topa cara a cara cu Costa Rica dia 27 di Juni proximo den e ultimo buelta di Grupo E.
Foto: FIFA©
