Den oranan di mainta, aproximadamente 10:30AM ta pidi presencia di polis na Scol pa Ofishi (SPO) situa na Mabon, Brazil. Prome informacion ta indica cu un studiante lo a agredi un otro studiante seriamente cu cuchiu durante ora di scol. Tur esaki a sosode den les di cushina caminda nan lo tabata haci wega cu cuciu y algo lo a bay seriamente robes.
Polis na sitio a tuma nota di e gravedad di e situacion mirando cu e victima studiante lo a risibi un corta bastante grandi for di su rudia te na su bil mas ariba, den e parti di su las.
Herida tabata sangra frofuso y ta pa es motibo polis a pidi presencia di ambulance cu urgencia pa transporta e victima cu spoed direccion hospital. E studiante agresor a keda deteni y transporta pa warda di polis. Un incidente serio cu consecuencianan lamentabel. Un investigacion sigur lo tuma luga pa asina saca afo kico a bay robes den e sucedido.
