E di cinco edicion dje competencia di Strongest Man of Aruba lo tuma luga e anja aki na Surfside Beach Bar!
Desde diabierna, 7 di october, te diadomingo 9 di october cuminsando pa 5:00 pm, Surfside Beach lo tin muestra di poder boluntario, forsa increibel, musculonan cu lo tembla y bicep grandi. E huesnan ta bay tin un tarea dificil pa yega na su conclusion durante e evento. E elementonan di husga ta Beer Keg Throw, Truck Pull, Atlas Stones, Dead Lift y hopi elemento fuerte. Diadomingo e participantenan lo haya un sorpresa, ya cu nan mester pasa un pista durante cual mester realisa combinacion di varios elemento.
E atletanan ta competi den e siguiente categorianan: <100kg y >100 kg. Na final di e evento aki, por gana un total di cuater mil florin. Ken lo ta e mas fuerte e aña aki?
Durante e competencia, Surfside Beach Bar lo ta cla pa ricibi hopi fanatico, miembro di famia y amigo dje atletanan. E beach lo ta bon ilumina den e areanan di competencia; tambe ta bay tin bar special riba beach, DJ’s y banda en bibo.
Den total 37 atleta internacional y local di Surnam, Hulanda, Guyana y Aruba ta competi p’e titulo. Durante e evento, Surfside Beach Bar lo ta transforma den un centro di fiesta cu e siguiente programacion 7 y 8 di october cu DJ Bradley Fonseca & DJ Edje y dia 9 di october DJ Bradley Fonseca y Honeypot. Lo ta tres dia di hopi competencia y fiesta (tur dia cu happy hour cuminsando pa 5:00 pm)!
The Strongest Man of Aruba 2022 ta powered pa Nagico, Red Bull, Marinierskazerne Savaneta y Heineken. Pa mas informacion bishita e webste: www.strongestmanaruba.com.
