Storia y video Interesante: Hoben artista di 22 aña ta lansa su clip “Yo Vivo”

Su nomber real ta Jesus Alexis Porto Cantillo y ta naci na Aruba. Den bida artistico nan ta yame Jeliel. Un hoben di 22 aña cu awe tin cosnan pa conta y trece esaki den un video clip. E gusta musica y a traha mas cu un cancion. Pa diferente motibo a stop di traha riba musica pero awe kier sigui.

Storia y video Interesante: Hoben artista di 22 aña ta lansa su clip “Yo Vivo”

Storia y video Interesante: Hoben artista di 22 aña ta lansa su clip “Yo Vivo”
https://24ora.tv/2NgfmAz

Posted by 24ora on Sunday, August 18, 2019

 

24ora.com a tende di dje via un colega. Loke a capta atencion ta parti di su videoclip. Dia 22 di Augustus e ta lansa e video musical aki pa mundo completo y saca di su curason riba e bida real y sincero den nan style di biba. Den e videoclip tin partinan di un Barbershop cu e ta traha aden na Rotterdam, Parti di e bida riba caya na Hulanda y tambe un parti for di KIA unda e tin amigonan di su edad cu ta cera.

Segun Jeliel, e cantica ey a scirbie den 2017 pa 2018 cu a bay biba na medellin pa algun problema cu tabata tin na Aruba. Jeliel a splica cu Aruba cu Colombia ta full un otro lifestyle. E tabata tempo nan duro pe. Mester tene cuenta cu ta pa peso el a bay traha. E hamber a habri mi wowo si segun Jeliel y a pone mi metanan mas cla. Tabata sa loke berdad mi kier den mi bida. Den e cantica cu lo ser lansa dia 22 di Augustus, Jeliel ta papia over di hopi cos di su bida. E ta bisa den e intro, bida tin su cosnan malo pero tambe tin su cosnan bon y esey bon por lubida nunca. Tur hende lo tin su temponan malo, pero ki bo ta bay hasi? Stress bo mes? No basila gewoon cabes ariba. Stress no ta bay resolve e problema tog. Bo tin cu corda si awor aki cos no ta manera bo lo kier, Confia e proceso pasobra Dios sa kico e ta hacienda. Segun Jeliel, e no a yega di bay KIA pasobra Dios semper tabata cune. Esnan cu conoce manera su amigonan por conta. Pa es motibo mes ta bisa, bendiciona pa coy asina hopi experiencia. Jeliel a splica cu el a siña di nan. Bo ta jong y bo kier biba riba un speed. Tin biaha bo ta kere bo ta bezig ta biba bon, ta club cu tanto brother pero di berdad ta caba bo ta cabando cu bo bida. Tur hende tey riba trip y ken tey pa bo ora bo ta riba cama di hospital. Jeliel a splica cu di experiencia por bisabo cu ta tiki nan lo ta. E clip di berdad ta un clip cu ta capta bo atencion pero e ta simple. Mi a bisa tur hende hasta y esun cu tabata filma cu mi kier pa tur hende ta nan mes, pa nan pase bon ta bebe y si bo no kier bebe tambe ta bon. Nada ta pasa y si bo kier huma wel huma, si bo no kier huma, hende no ta forsabo. Si bo kier baila, baila, si bo no kier baila, no baila. Tur hende ta diferente y esey segun Jeliel e kier pa hende compronde. Pe e cos por mustra un nuebe pero pa otro e por mustra un seis. Jeliel ta bisa den e cantica “Titere no soy no me llevo del sistema”. Dicon? Ehempelnan kiermen pa bo tin un bon futuro bo mester tin diploma y bo sa ami ta di acuerdo cu esey. Mi ta kere tanten cu bo tin un meta den bo cabez y bo tin den bo bida fe cu speransa, tur cos ta bin bon. Ta abo mester stop di kere loke hende bisabo. pasobra bo mente ta un cos poderoso. Si bo bay tras di e palabra di hendenan cu ta bisabo no, e cos ey no ta bay sali bon. Eynan tur cos ta bay sali malo pasobra bo tin cu djis kere den bo mes. Ningun hende no tey hasi algo facilmente pabo. Jeliel a mustra den e intro di e clip e West-Kruiskade pasobra di ora el a yega Rotterdam, a yega riba e caya ey y ta eynan a traha na Barbershop Mixed People. Segun Jeliel, e no por gaña, den e tempo aki, nan tabata manera famia. Nan a saca un man mesora pe y hasta a zorg pa e por graba den nan negoshi y cualkier spot den e negoshi. Mester mas hende pa haci mas cosnan positivo tambe. Tambe tin e parti di e grabacion den e zonnebank. A hinca e parti tambe di amigonan cu ta cera en KIA, pasobra mi ta bisa “Bandidos Mis Yygers”, “Pero Asi Se Nos Quiere. Jeliel a splica cu su amigonan, pa hopi hende nan ta bandidonan, pero cada ken ta carga su cruz. Jeliel a mustra cu su amigonan el a lanta y sin gaña, nan a sa di keep it real tur e tempo cune. E Love Tey. E cantica kier a mustra pa tur hende sa cu nan tin cu haci loke den berdad ta haci nan felis y cu semper gradici Dios pa tur e amigonan cu stimabo rond di bo. Awe nan tey y mayan bo no sa.

Comments

comments