Stichting Karting Aruba ta recaudando fondo pa Edwin Arends Jr por logra su meta pa bay Ecuador na Juli.
Segun miembro di e fundacion, Chrislene Arends, awor aki nan a cuminsa bende y ta pidiendo e ora sponsornan si kier cubri nan of tambe ta bendiendo buki un pa un. Hendenan cu kier cumpra un buki tambe ta bon bini.
Nan ta rifa weekend stay, ta rifa laptop, ta rifa massage, dinner for two. Tin diferente rifa y e sorteo lo ta dia 29 di Juni.E rifa ta bay ta na Centro di Bario Playa Pabao. Ta bay tin un actividad riba e dia aki, caminda cu por tin e ultimo chens pa cumpra e rifa. E ora e sorteo ta bay ta parti atardi. Ta cuminsa for di mainta, te banda di 3’or di atardi.
Awor aki nan ta bezig ta bendiendo e rifanan riba caya cu hendenan conoci, despues nan ta bay na diferente localidad of tambe yama Chrislene na 6419477 pa mas informacion y pa compra di rifa.Pa mas informacion por yama Chrislene na cualkier momento. Tambe por email na [email protected], sigui nan riba Instagram y Facebook. Eynan por suministra tur informacion riba e trainingnan di Edwin Arends ta bayendo.
Na caminda pa Ecuador
Edwin Arends Jr ta un piloto di Go-Kart y el a test’e den un go-kart tempo e tabata tin 2 aña di edad, caminda cu a resulta bon. Di tres pa 3 pa 4 aña e tabata den su prome caredanan. Y for di e tempo ey e no a stop di core. Awo e ta bayendo pa un careda internacional, cual ta Panamericano y cu ta su di dos biaha.
E prome biaha tabata na Colombia. Awo e ta bay ta na Ecuador. Ta un cualificacion pa mundial.
Importancia
Arends a splica cu e careda na Ecuador ta hopi importante. Arends tin hopi aña ta core Go-Kart y ta prome biaha e ta den un nivel asina halto y pa participa den un careda di e magnitud aki. E ta bon entrena. E careda aki ta un cualificacion pa un careda masha grandi mes cu semper e kier a participa aden, cual ta e careda na Italia. Awor aki e ta haya e chens pa bay core den e cualificacion pa e por bay Italia.
Diferencia
Tur cos ta depende ki edad bo tin y e experiencia ta depende ki tipo di Go-Kart bo por core. Manera un mucha ta core den un Go-Kart di 60cc. Un adulto ta core den un Go-Kart di 125cc y esunnan mas experencia ta core uno di 125cc pero cu shift di 6.
Futuro den Go-Kart
Arends ta mira cu su futuro ta pa core den un auto grandi coriendo caredanan grandi, sea ta Nasqar, Indi-car. E kier ta den careda di motorsport.
Gradicimento
Arends kier a gradici Stichting Ska y tambe tur su sponsornan cu a yud’e pa el a yega unda cu e ta.
