Stichting Epilepsia Aruba (SEA), tabata di bishita na Scol Preparatorio Prome Paso na Savaneta, den cuadro di Purple Day.
Tur e maestra nan y casi tur e muchanan ta bisti na biña, cual ta e color internacional di Epilepsia. Na mundo 1 riba cada 100 hende ta sufri di Epilepsia pesey a haci un programa di concientisacion cu e muchanan di e scol preparatorio na Savaneta, cu tur ta bao di 6 aña.
Tur a compronde hopi bon loke a splika nan di e malesa Epilepsia. Sr. Robert Nieuw como Presidente di Stichting Epilepsia a dirigi su mes na e muchanan cu un discurso chikito. Cabesante di Scol Sra Gislaine Lampe-de Cuba a yama directiva di SEA bon bini. Y a splica tur e preparacion cu nan a haci cu e muchanan. Sra Chichi Margarita Pourier-Henricus a organisa e dia na e scol aki.
Un grupo a haci un baile bao di Juf Brenda.
Un otro grupo bao di Juf Sharilee a haci comedia di Pepito cu a haya un incidente (ataca) na Scol. Un ataka di Epilepsia.Sharella Lopez, (miembro di bestuur di SEA), a canta un cantica di Epilepsia dedica na tur presente. E cantica di e mucha Cassidy Meagan traduci na Papiamento.
Otro grupa a presenta e cabay di awa “Campi” cual ta e “Mascota” di Epilepsia Foundation.
Despues Sra Gislaine a haci un donacion na e Fundacion, cual ta plac recauda door di tur e mucha y maestronan pa asina yuda SEA sigui cu nan bon trabao. E muchanan a jaua im sorpresa den nan klas. Cada un di nan a ricibi un cupcake di SEA y un Juice.
Bestuur di SEA a haya un dushi Pastechi di keshi y un refresco. Tur cos tabata super bon organiza. Palabra di felicitacion ta bay no solamente na SEA, sino tambe na Scol Preparatorio Prome Paso, pa un dia sumamente exitoso.
