Den wikènt parlamentario Steven Croes di Frakshon di PAR a bishitá Hensley “Bam Bam” Meulens na Bam Bam Sport Tech Zone na Sambil. Probechando ku e ta na Kòrsou prome e sali bai Tampa pa hasi su chekeo médiko rekerí .
Sr Croes kier a felisitá Hensley “ Bam Bam” Meulens personalmente ku su kontrato nobo serka New York Yankees i palabra di sosten den su reto nobo komo “ Assistant Batting Coach”. Tambe e kier a gradisí sr Hensley pa e trabou inmenso ku e ta bin ta hasi pa ku nos isla den eksterior. Pero no solamente den eksterior sr Hensley ta trahando riba futuro di Kòrsou. E konstrukshon di un stadion di baseball na Sta Rosa ta den kuminsá i pa esaki tambe kier a yame un bes mas danki.
Tabata un atardi hopi ameno den kual a kombersá tokante e kontrato i varios otro kos ku Sr Hensley ta trahando riba dje. Sr Steven a introdusi tambe su yu homber na e legendario Hensley “Bam Bam” Meulens i interkambiá algun palabra.
Na final Sr Steven a tuma e chèns pa mustra kiko e tin aden pa su talento pa baseball por si akaso Sr Hensley mester di un kuarto bate pa New York Yankees. Un bes mas masha pabien Bam Bam i un danki grandi pa e tremendo trabounan ku bo ta bin ta hasi pa nos hubentud i nos isla.
