E topiconan cu a wordo toca durante di e conferencia tabata topiconan hopi interesante caminda cu a wak, durante e parti mainta, algun presentacion caminda cu a duna den liñanan grandi kico ta bay ta e trayecto di Bureau Integriteit Aruba, segun directora di Departamento di Impuesto, Sra. Luenne Gomez-Pieters.
Durante e parti merdia, tabata hopi mas cosnan den practica, caminda cu a duna algun ehempel cu por sosode den practica y gruponan por a discuti si nan ta haya cu den e situacion aki e persona a actua integro, si of no.
Si bo ta traha canto di caminda por ehempel y un hende pidi bo pa haci un trabao den of dilanti nan cura, bo ta bay haci’e? Kiko ta e decision cu bo tin cu tuma den un caso asina? Cerka ken bo por escala asunto nan di integridad? Tabata pregunta nan interesante pa mira tambe e diferente argumentonan pakico si un hende lo saka un man yuda y pakico e lo no mester haci esaki.
E ta un trayecto hopi importante cu a wordo inicia y e ta un topico cu sin falta tin hopi balor den Departamento di Impuesto (DIMP) teniendo na cuenta cu ta trata un departamento caminda e cliente ta confia su informacion lo keda bon warda.
Un ambtenaar tin un voorbeeld functie y tin cu duna ehempel. Esaki tambe ta conta pa e directeur cu lo mester duna e bon ehempel na su trahador nan.
E sentimento overall si e aparato gubernamental ta integro si of no, ta un pregunta cu a wordo lansa. Tur hende por a duna nan opinion y toch a spanta ora di mira e resultado caminda cu mayoria di e participante nan ta pensa cu esaki no ta e caso.
Tin trabao nos dilanti pa determina dicon y percura tambe pa hisa e nivel di integridad den e aparato gubernamental, segun Pieters.
