Den un programa special diahuebs ultimo na Power 101.7 FM tabatey como invitado special, Shariska Winterdal. Un edicion unico conduci pa Greg Croes, Nen Flores y Aldrick Alexander unda cu Shariska a haña oportunidad di conta e recorido historico di 500 kilometer rond di Aruba riba bais pa un bon causa, stichting Frank Polanco.
Por mira atras riba un evento historico. E ser femenino na Aruba a pone su stempel den 2018. Gwendolin Kock hunto cu “Crossing for Hope” a landa di Venezuela pa Aruba y awor Shariska Winterdal ta logra un hazaña riba bais pa un total 500km pa mas di 24 ora sigui.
Nos hobenan tin nan hereonan local, specialmente e mucha muhenan cu por mira ehempel bibo di logronan grandi.
Sports Zone Aruba no por a laga e oportunidad aki pasa di reconoce e atleta Shariska Winterdal, cu un hazaña cu lo keda pa semper den historia di deporte aki na Aruba.
