Algun siman pasa a atraca Lucky Lotto Corner y a bay cu e placa di benta. Esey tabata un mal noticia. Mientrastanto prome cu Pasco a drenta un hopi bon noticia pa Lucky Lotto Corner na Ponton: Nan a bende e ticket di e unico ganado di e Mini Mega Plus.
E premio tabata 770 Mil Florin. Numbernan ganado tabata 03-11-14-29 y Mega Ball 05. Ken a gana ainda no ta conoci. Tampoco por a saca afo si ta un Lotto Loco of numbernan scogi pa e ganado.
Esaki ta otro prueba cu Lotto ta sigui haci hopi famia feliz na Aruba. E biaha aki net den un dushi temporada na final di aña. Dialuna dia 24 di december e ganado por presenta cu e ticket y mesun dia Lotto lo transferi e bunita suma di 770 Mil Florin riba su cuenta di banco.
Pabien na e ganado cu ainda ta desconoci. Den apenas dos siman Lotto a paga na Mini Mega, Mini Mega Plus y Lotto 5 como dos miyon florin na premio. Mas premio nifica mas felicidad den diferente hogar.
