Minister di Husticia y Integracion, mr. Andin Bikker a anuncia cu el a duna un permiso general pa barnan, clubnan nocturno y actividadnan di Pasco y Aña Nobo sigui te cu 6or di mainta. E permiso aki ta relaciona cu e tantisimo eventonan cu lo tuma luga den e dianan venidero. Aunke esaki ta parti di nos custumber, e lo nifica hopi mas trabou y control di Polis despues cu e fiestanan ey caba te den oranan di mainta.
E permiso ta encera evento y fiestanan di Bispo di Pasco cu ta cuminsa dia 24 di december y por caba te cu Pasco mainta pa 6:00am, mesun cos di dos dia di Pasco, riba dia 26 di december. E mesun maneho aki ta aplicabel pa fiestanan cu ta tuma luga despues di tiro, riba dia 1 di januari 2019, cu tambe por sigui sin problema te cu 6:00am.
