Sport Caribe a haci un proyecto aña pasa cu Fundacion pa Nos Comunidad, unda cu a haci peticion na pueblo pa entrega un sapato uza, cu ainda por wordo uza y den cambio di esey ta haya un ked riba unt remendo descuento na Sport Caribe. Tabata tin dos meta, segun Jonathan Wever.
Obviamente tin e meta pa haci un sale, pero kier a haci algo pa comunidad. Hunto cu Fundacion pa Nos Comunidad, lo percura pa e kednan colecta, pa yega na esnan cu tin menos recurso, yega cerca nan.
A prolonga esaki un poco y a yega na un gran cantidad di sapato. A yega na casi 500 sapato cu a logra colecta. Obviamente taa gradici pueblo pa esaki. A haci entrega di e sapatonan na Fundacion Pa Nos Comunidad, cu lo pasa door di nan, percura pa nan ta adecua y pa asina duna na esnan cu tin mester di nan.
Te asina leu, a yega di haci’e dos biaha den pasado. Aña pasa cu a yega e mesun cantidad aki. Door di e mesun exito aki, a dicidi di haci’e e aña aki atrobe.
Contento cu donacion
Jenaica v/d Biezen ta directora di Fundacion pa Nos Comunidad y nan a ricibi e donacion for di Sport Caribe. Nan ta sumamente gradicido. Asina nan por sigui yuda mas famia. E fundacion no ta yuda solamente cu paketenan di cuminda, pero tambe cu paña, articulonan di cas y cosnan basico cu un famia tin mester. Cu esaki por yena nan suministro pa un periodo, danki na e comunidad cu a contribui y tambe na Sport Caribe cu a haci lo posibel.
E Fundacion tin un cliente registra. Ta traha cu tur sorto di instancia, manera Sociale Zaken, FCCA, Wit Gele Kruis. Tur esakinan ta registra nan cliente na e fundacion. Hunto cu trahadonan social ta traha un trayecto, door di un intake gesprek, ta wordo anota, kico nan tin mester y con por yuda nan.
Sigur e kednan aki lo ta un bon ayudo. Ta un bon cantidad y den hopi bon condicion. Sigur esnan cu lo haya nan, lo keda sumamente contento.
