Den oranan di marduga den forma sorpresa reherchenan di Playa a detene un sospechoso cu nan tabata buscando pa un caso di tiramento. Awe madruga recherche di Oranjestad a bay na un cas na Papaya pa detene e homber J.K. nasi na Aruba di 24 aña di edad en conexion cu e caso di tiramento cu a tuma luga dia 26 december den Dakota. Mester bisa cu e persona deteni ta wordo considera sumamente peligroso y ta p’esey a haci uzo di e team di aresto.
HISTORIA
Dia 10 di januari ultimo tabatin un detencion caba. E dia ey riba Green Corridor Team di Aresto a para un auto y a bay cu un sospechoso pa e caso di tiramento cu a tuma luga dia 26 di december den Guyabastraat, na Dakota. E sitio ta di e incidente ta keda cerca di unda antes tabata Dakota Bar. E victima a ricibi un bala na su pia. E nomber menciona e dia ey tabata Sammy Dirksz di apenas 22 aña y di e mesun bario. Awo ta bin detene un otro sospechoso, cu ta mustra cu e caso tin un rabo largo.
PETICION
Pa Cuerpo Policial por resolve mas caso cooperacion y informacion di pueblo di Aruba ta hopi importante p’esey KPA ta pidi si bo tin cualkier informacion yama e tiplijn: 11141. Nan ta garantisa cu bo ta keda anonimo.
