Cu maximo urgencia a dirigi diferente unidad di polis direccion Pos Chikito pa un persona cu arma di candela den su poder. Un automobilista a logra capta un persona cu un arma nickel cu man preto mientras cu e vehiculo tabata bandona area.
Esaki a tuma luga awe tardi bandi 4:30 pm ora cu a a bati alarma na autoridad pa un Toyota Tercel color shinishi of color cla cu posiblemente un persona cu arma aden. A duna descripcion di un hoben cabey largo na stuur como tambe ocupante cu e arma den man.c
Unidad di Playa, San Nicolas, Rapid Response Team (RRT) y K9 a activa mesora pa asina señala y para dicho vehiculo riba caminda principal di Savaneta, dilanti Winter Garden Supermarket pa ta mas exacto y pone nan na vloer. A drenta den accion y detene tur ocupante den e vehiculo.
No por confirma cu e haya e arma di candela pero tur tres sospechoso incluyendo un hende muhe a bay deteni direccion warda.
