Pa 6:00 pm ora local di Aruba, usuarionan di Instagram y WhatsApp a cuminsa informa cu nan a cuminsa haya servicionan bek, pero den modo limita.
“E storianan di Instagram ta trahando y mi ta ricibiendo mensahenan riba WhatsApp, mi a cuminsa biba bek,” un persona a skirbi riba Twitter. Na Aruba varios hende tambe a logra subi riba nan Facebook.
Interupcion di Facebook ta esun mas largo riba Down Detector
Interupcion continuo di Facebook di dialuna tabata esun mas largo cu Down Detector a yega di documenta, segun Speedtest di Ookla.
Dialuna tabata informe di 10.6 miyon interupcion na nivel mundial, di cual mayoria tabata di Merca cu 1.7 miyon. Alemania, cu tabata tin mas di 1.3 miyon interupcion, tabata na di dos luga.
Interupcion di Facebook, Instagram, WhatsApp y Facebook Messenger tur tabata inclui den e total. E cantidad di informenan lo bira mas amplio, pendiente confirmacion di Facebook cu a resolve e problema, cualkiera cu e por ta.
