Diasabra atardi durante un conferencia di prensa, Presidente di SMAC, Darren van Ommeren a anuncia cu Fakkel lo ranca sali cu quality Brassband compaña pa e royalties y sigui pa e gruponan:
1: Empire Carnival Group – Buleria – 1000 participante
2: TOB Carnival Group – N’ Fuzion / Groove Masters – 1750 participante
3: Infinity Carnival Group- DLS – 550 participante
4: Royal Carnival Group – NBO – 400 participante
5: Los Laga Bai – Robert y Su Solo Banda – 700 participante
6: Champagne Carnival Group – Tsunami – 1000 participante
7: Last Lap compaña pa Youth Extreme
SMAC ta pidi tur hende pa comporta nan mes, esaki ta esencial pa evalua si lo sigui cu un last lap den e siguiente paradanan di Carnaval.
Caminda cera
DOW lo cera e caminda completamente pa mas o menos 6:00 y pa 8:00 e parada lo sali for di Entertainment Center.
Line up pa cada grupo
1. Empire Carnival Group- Universal y Van Dorp
2. TOB – Drop and Nuts y Nagico
3. ICG – Crusada Casi Nobo
4. Royal – Ritz bay ariba
5. Los Laga Bai – crusada stadionweg
6. Champagne – Entrada di Dakota Shopping Paradise.
7. Youth X – Huis van bewaaring na Dakota
Mirando cu tin un cantidad di turista riba nos isla, SMAC conhuntamente cu Cuerpo Policial a pidi e gruponan pa sigui bay te na Wendy’s pa asina no crea un chaos den altura di Paardenbaaistraat caminda cu probablemte lo tin turista disfrutando di e parada.
Prins cu Pancho
Cherryldine Buckley vice-president y PR di SMAC a informa cu diadomingo anochi lo tuma luga e eleccion di Prins cu Pancho. Tin cuater categoria y den cada un tin dos pareha ta participa. Entrada lo ta completamente gratis, tin alrededor di shen stoel pero ta posibel pa bin cu stoel y asina disfruta di e show di Prins cu Pancho. Por spera cu esaki lo bira un anochi comico y musical.
E participantenan den categoria infantil:
Aiden Harms y Dyshel Roga, (Prins Bon y Pancho Mucha), nan ta representa Champagne Carnival Group; Derwin Aaron (Prins Paki) y Zayron Rafine (Pancho P’aya). Nan ta representa Empire Carnival Group y Rockets.
Hubenil
Obi Tromp (Prins Djis) y Zenon Daal (Pasa) y ta representa Champagne Carnival Group; Lucas Geerman (Prins Wiskunde) y Shaquion van der Biezen (Pancho Algebra).
Grandi
Shaquille Buckley (Prins Bin) y Justin Valdez (Pancho Aden). E di dos duo participante ta Endrick Panneflek (Prins Bon) y Ivan Werleman (Pancho Fresco), representando Infinity Carnival Group.
Adulto
Eduardo Loefstop (Prins Bula) y Alberto Groeneveld (Pancho Fuse) y Igmar Tyson Croes (Prins de show) y Randolph Ras (Pancho Mas go on), representando Champagne Carnival Group.
