Den un conferencia di prensa na Sandra’s Garden a anuncia ayera cu Loco Lobo Productions lo organisa Tumba Festival pa Carnaval 2019.
Presidente di Smac Shannon Henriquez a habri e conferencia di prensa bisando cu esaki ta un gran dia pa tumba, musiconan, bandanan y carnaval en general na unda cu hunto cu Loco Lobo Productions nos lo wak Tumba yega na un otro nivel.
Señora Henriquez a indicia cu esaki ta locual Smac kier wak den Carnaval 65 y ta sigur cu e experiencia di Loco Lobo Productions, e festival aki lo ta un exito total.
E Presidente di Smac a gradici Robert, Carla y Luigi kendenan a organisa Tumba di curason den pasado. Smac a desea loco lobo productions hopi exito cu nan reto nobo y gradici nan pa contribui na e fiesta cultural di mas grandi di Aruba.
E festival di Tumba lo tuma luga dia 2 di februari 2019 den Carnival Harbour Arena. Lo tin 3 seccion; General Afl.25,- ViP Stoel Afl.50,- VIP Mesa di 10 persona pa Afl.750,-.
Tickets di Festival di Tumba lo ta na benta diabierna awor na Citgo Boulevard, Citgo Essovile y na Sandra’s Garden.
Señor Reynold Kelly den nomber di Loco Lobo Productions a presenta un buki cu tur e reglanan pa cada musico y banda por partricipa pa Tumba 2019.
Fecha di inscripcion lo ta 20 di januari 2019 y ultimo dia pa entrega letra lo ta diahuebs 31 di januari 2019 te cu 5’or di atardi na oficina di Diario TV of via mail [email protected].
Representante di Setar, Sra.Julie Henriquez, como un di e sponsernan mas grandi di Carnaval 65 tambe tawata presente na e conferencia di prensa.
