Manera ta tradicion pa hopi aña caba, e temporada di Carnaval na Aruba ta cuminsa dia 11 di november.
Desde 2015, Stichting pa Maneho di Aruba su Carnaval (SMAC) tin e organisacion di Aruba su carnaval na su encargo. E aña aki Presidente di SMAC, Darren van Ommeren a rindi un homenahe special na Presidente di Stichting Arubaaanse Carnaval (SAC), Tecla Kelly cu pa hopi aña tabata e motor incansabel tras Carnaval.
SAC tabata e motor tras di e eventonan grandi manera Lighting Parade, cu nan a tuma over for di Aruba Tivoli Club, eleccion di Reina, Prins cu Pancho, etc. A pesar cu SMAC ta esun cu ta organisando e carnaval awo, SAC tabata esun cu a pone e fundeshi di loke awendia ta Aruba su carnaval. P’esey e dedicacion y honor na SAC cu merecidamente nan merece.
Tecla Hernandez a indica cu e echo cu Carnaval yega 70 aña ta un logro. Su deseo ta pa e pueblo sigui aporta cu Carnaval. El a describi su mes como un persona cu ta drumi, lanta y soña cu Carnaval y semper el a haci cu hopi amor.
Pero e ta hopi contento cu, a pesar di tur loke a pasa entre SAC y SMAC, e ta contento cu awo tur hende por laga tur esaki atras, pa e pueblo por sigui disfruta di carnaval. E organisacion por cambia di nomber, pero t’e mesun hendenan semper ta sigui cu e mesun smaak y energia di semper pa sigui carga nos carnaval.
Pa Carnaval 70, e expectativa ta grandi. Y e ta spera un Carnaval grandi, manera cu ta tradicion ora di un lustro.
Presidente di SMAC, Darren van Ommeren a cuminsa na bisa cu SAC tabata e motor tras di e eventonan grandi manera Lighting Parade, cu nan a tuma over for di Aruba Tivoli Club, eleccion di Reina, Prins cu Pancho, etc. A pesar cu SMAC ta esun cu ta organisando e carnaval awo, SAC tabata esun cu a pone e fundeshi di loke awendia ta Aruba su carnaval. P’esey e dedicacion y honor na SAC cu merecidamente nan merece.
Pa hopi aña Darren van Ommeren, actual presidente di SMAC tambe tabata hopi aña hunto cu SAC, pero como lider di grupo.
Pero awo, como esun encarga di e fundacion pa maneha Aruba su Carnaval, a indica cu ta tuma curashi pa sinta rib’e stoel pa bin cu e cambionan cu ta kere cu ta na bienestar di e carnaval. Tambe p’e pueblo di Aruba por gosa di un carnaval hopi miho organisa, structuralmente un fundacion c’un bon fundeshi cu por carga e carnaval.
Y esey ta loke SMAC ta purba na haci y e ta un era nobo pa un y tur. SMAC tin derecho di existencia pa sigui cu e trabou cu nan a bin ta desplega den e ultimo nuebe añanan.
