Diaranson mainta den cuadro di programa Erasmus Plus, Stichting Katholiek Onderwijs Aruba (SKOA) a haya bishita di cuater docente di Slovenia, Europa. E profesionalnan den enseñansa aki ta di bishita na Aruba, pasando cerca algun Scol pa haya experiencia y wak con tur cos ta cana aki na Aruba den loke ta enseñansa.
Diaranson a toca nan bishita SKOA unda cu nan a haya un splicacion di enseñansa di Aruba, su historia, ken SKOA ta y con a funda esaki. E grupo na nan turno tambe a conta un tiki di nan mes, nan a bin cu algun snack y cos dushi di come cu ta tradicionalmente di nan pais, un intercambio total di cultura, tradicion, y conocemento.
“Boso sistema, e sonrisanan, e cancionnan, con boso ta brinda educacion via di amor y respet mutuo ta hopi bunita,”Gregor Mihelčič, un docente di Kleuterschool na Slovenia ta bisa nos. E ta duna nos hopi respet y aprecio pa con nos sistema di educacion ta cana aki na Aruba. “Nos lo bay cu hopi cos nobo den nos cabes y sigur den nos curason.”
E proyecto particular aki tabata mas den man di Sheila Tromp, cabesante di Pius X School, y su Project Leider Juff Saskia cu a haci esaki posibel y hinca esaki den otro.
Lesa mas den TREMPAN.