Otro fenomeno cu ta bin dilanti tur aña, t’e hortamento den cas di e ciudadanonan, ora cu e habitantenan ta bay gosa di Aruba su carnaval. Riba e fenomeno aki, Liliana Rasmijn, vocero di Polis a indica cu esaki ta algo recurrente. Pero Rasmijn a subraya e echo cu, aunke Cuerpo Policial tin hopi polis riba caya pa mantene ordo y siguridad durante e paradanan, tambe nan tin nan agentenan cu ta keda patruya den e barionan.
Como bisiña, si ta wak cu tin algo cu no ta bon, please avisa Central di Polis na 100 y di biaha un patruya lo yega pa controla pa tur cos ta na ordo. Hopi biaha e habitantenan di un bario tin un asina yama Neighbourhoodwatch, unda cu ta informa otro di cualkier iregularidad den bario.
Tin un grupo cu ta bay Carnaval y otro cu ta keda cas, cu ta yuda tira bista den bario.
Ban coopera pa asina tur hende por gosa di un dushi carnaval cu e trankilidad di cu nan tin un bon bisña cu ta yuda coopera di tira bista riba cas di otro.
