Mas trempan di dia Cuerpo Policial a duna oido na e yamada pa un walk-out di parti di nan sindicato, Sindicato di Polis, SPA.
Esaki tin di haber cu e situacion di schimmels den Ward’i Polis Oranjestad. Awa a pasa hariña den weekend ora c’un colega di nan a fayece di un malesa causa door di schimmels y tin mas di un colega cu ta sufriendo di kebrante di salud, causa door di schimmels. A cuminsa e walk out door di tene un minuut di silencio Roland Maduro, vice-presidente di SPA a cuminsa na bisa.
Ta inaceptabel pa wak con e coleganan ta bira malo y gobierno no ta haci nada. Nan a haya un e-mail di tur e puntonan cu nan a reuni cu e minister. Nan pregunta na Minister Rocco Tjon ta, kico mas Gobierno kier di nan? Den menos di 30 dia, ya caba nan a perde dos colega y ainda tin mas colega ta malo.
Nan tin diesun aña ta bringando cu schimmel. Prome tabata den e ward’i polis bandi pazuid y awo n’e otro banda, cu e mesun situacion. Awa a pasa hariña awo si!
