Den pasado a haci varios prediccion cu awo ta biniendo na bista den manera hopi obvio cu e economia mundial ta den problema grandi. Rond mundo diferente Banco Central ta purba hisa interes den desperaccion pa baha inflaccion. Awo con e situacion aki lo sigui desaroya su mes?
Den e articulo aki nos lo elabora riba esaki.
Inflaccion ta forsando Banconan Central pa hisa interes
Inflacion na Estados Unidos y Europa ta sumamente halto
Na e momento aki e unico herment disponibel pa US FED y Euro Area ECB, ta pa hisa interes pa asina “cool down” e economia y destrui “demand”.
Awo cu Banco Central por reduci inflaccion sin causa un recesion economico mundial ta un fantasia di e caliber mas halto. Dos dia pasa Financial Times den un survey a mustra cu 70% di economista professional ta di opinion cu otro aña nos lo bay tin un recession na Estados Unidos.
Pa lesadornan di 24ora, esaki no lo ta ningun noticia nobo, paso mi persona a cuminsa adverti den esaki na Februari 2022 caba.
Un Recession Global sigui pa “Stagflation Global”.
Banconan Central lo sigui nan ruta di hisa interes te ora cu e economia mundial drenta un recesion. Ora esaki tuma luga lo stop di hisa interes y te asta corta esaki. Mi ta en espera cu e processo aki lo cuminsa medio 2023 caba.
Na e momento ey, e narativa lo ta cu nos mundo mester “accepta” inflaccion mas halto pa no sacrifica crecemento economico. E resultado final lo ta cu inflacion na un nivel global lo keda mas halto cu crecimento economico. Dus en berdad e economia global lo no crece pa e añanan binidero.
E Fase Final: Crisis di Moneda.
E fantasia di mas grandi ta cu interes di e paisnan vulnerabel mag di hisa. Esaki simplemente no mag di tuma luga. Si interes di obligacionnan di debe nacional sigui hisa, Banco Central local lo interiveni pa preveni esaki.
Esaki lo tuma luga den forma di cumpra obligacionnan te ora e interes stabilisa. Un medida asina no ta sin consecuencia hopi severo.
Ora medidanan asina tuma luga e moneda local ta cuminsa crash. E palabra crash no ta un overstatement.
Un ehempel hopi recien y claro ta e moneda di Japan e Yen.
Den menos cu 3 luna e moneda di Japan a cay casi 15% versus e US Dollar.
Corda esaki no ta un accion of cualkier cryptocurrency, pero e moneda nacional di e pais economico di tres mas grandi di mundo.
E siguinte victima lo ta e moneda di e Eurozone, e Euro. Ya caba Banco Central ECB a anuncia si interes di Italia sigui hisa cu nan lo grijp in.
Ora yega e punto cu esaki tuma luga e Euro mescos cu e Yen lo cuminsa crash den manera severo.
Lamentabelmente e proceso aki di inflaccion lo sigui te ora mundo bin hunto y restructura e debe den un manera global.
