Sindicato di Maestronan ta hopi disgusta pa e decision tuma cu scolnan ta bay habri entrante 18 di mei. Esaki pasobra niun momento a consulta cu nan.
Mas tristo ta cu nan a tende di esaki via di e diferente medionan social, cual nan ta sinti ta un falta di respet. Loke nan a lesa tambe ta cu si tin scol cu nan no por habri dia 18, nan por traha y prepara pa tur cos ta cla cu dia 25 di mei si tur cos ta habri.
Simar ta cuestiona con nan kier pa habri e scolnan asina riba man. Tin hopi factor cu no a tene cuenta cu nan. Ta papiando di localidad cu te cu un maximo di 50 hende, incluyendo personal. Pero den enseñansa ya caba tin 74 persona, con ta bay traha riba e alumnonan, teniendo cuenta cu distanciamento social y higiena. Awo caba ningun mucha bou di 18 aña no por drenta un negoshi. Pero tambe nan ta papia ken ta percura pa e materialnan di higiena y tur e gastonan extra cu esaki ta trece cu ne. Mas pasobra ta bisa cu no por comparti articulonan cu otro.
Tin masha hopi preocupacion cu SIMAR tin, mas cu tur cos e infrastructura di e scolnan, cu e ta kere cu no a tene cuenta cu nan.
