Luna di october ta un di e temporadanan di mas druk pa FAVI segun Sary Wernet-Kelly, terapista di revalidacion di FAVI (Fundacion Arubano di esunnan Visualmente Incapacita) unda cu nan ta bezig cu diferente actividad y campaña di conscientisacion.
Kelly ta splica cu awendia problema di bista ta conociendo un aumento anto ta cuminsando na edad mas jong tambe. Antes e tabata mas conoci den comunidad cu persona ta perde bista segun su edad ta subi, y e ta bira mas aceptabel. Pero ora bo cuminsa perde bo bista, por ehempel riba edad di 15 aña bay ariba, e ta bira un problema cu bo ta bay confronta mas trempan den bo bida.
Un remarca cu hopi hende ta duna ta cu no ta mira FAVI su clientenan mucho of mes riba caya. “No tin custumber den nos clientenan pa cana den trafico. Mi ta kere pa e peaton cu ta mira mes, nos no ta wak hopi hende ta haci uzo di caminda solamente si nan tin cu tuma un bus of un lift.” Tin diferente factor anto e cultura aki tambe ta biba bao clientenan di FAVI. Kelly: “Pero pa nos ta importante pa tur aña toch keda conscientisa riba uzo di garoti den trafico.”
Lesa mas den TREMPAN.
