E aña aki un biaha mas Partido MEP tin su campaña di yena formulario di belasting. E campaña lo inicia dia 16 di augustus venidero y lo termina dia 24 di september 2022. Pa keda yuda bo mester yama pa haci un cita. Por cuminsa yama di awor caba na e number 660-2837 di 9:00 am pa 12:00 pm y di 1:00 pm pa 5:00 pm, di dialuna pa diabierna.
E campaña lo ta 3 dia pa siman esta riba diamars, diahuebs y diasabra. Diamars y diahuebs nos ta yuda hende parti mainta di 9:00 am pa 12:00 pm y parti atardi di 6:00 pm pa 9:00 pm. Diasabra e orario ta diferente esta di 9:00 di mainta pa 1:00 di atardi.
Mas cu claro tur cu haya cita mester percura pa trece tur e documentonan necesario manera: loonopgaaf 2021 SVb, loonopgaaf 2021 APFA, loonopgaaf 2021 di Lago Annuity Foundation, carta di interes di prestamo di banco, carta di interes y gasto di hypotheek, carta di interes di Credit Card.
Si bo mester di yudansa esaki ta bo chens. Haci bon uzo di e campaña aki di MEP y laga nos yuda bo yena bo formulario. MEP tur aña ta yuda hopi hende cual sigur ta indica cu tin un necesidad den pueblo pa keda yuda cu e yenamento di e formulario di belasting.
Servicio aki MEP ta duna gratuitamente na pueblo y sigur ta gradici tur nos boluntarionan cu ta yuda nos haci e campaña aki posibel.
Cada ciudadadano tin e deber di paga impuesto, pero yenando y entregando bo formulario di impuesto, ta evita cu bo ta paga di mas.
