Despues di dos aña sin tin actividad di Carnaval, diasabra awo e mecha ta cende cu un Parada Nacional di Luz. Y manera semper e departamento di ambulance di IMSan lo bay t’ey pa duna asistencia paramedico.
Liberato Hoek, hefe di e departamento a splica cu e rol di ambulance ta pa duna cuido medico profesional, den cualkier tipo di incidente durante e parada.
Ta importante cu e hendenan sa cu na momento cu tin cu brinda asistencia, e ta sumamente importante pa haya e espacio pa por haci nan trabao manera cu mester ta. No por ta asina cu ta stroba di eherce nan funcion.
E variacion pa atende pashent ta hopi grandi. Den e caso aki, ta trata aki ta un parada anochi y no tin efecto di e solo. Sa si cu e hendenan lo bay bebe y hopi. Ta trata aki di cuater dia di actividad y riba e di dos dia e parada lo tuma luga. Pero ya for di e prome dia caba, ta spera cu tin hende cu lo bay bebe.
Tambe e kier a recorda un y tur cu nan tin varios salida strategico cu ta destina pa ambulance y ta pidi pa por fabor no blokia e salidanan aki. “Esey t’e unico acceso n’e ruta,” ta loke cu Liberato Hoek a comenta.
Pa un cobertura mas amplio lesa TREMPAN.
