Señora a cay den misa y no ta dunando señal di bida

2801

Diasabra anochi, un poco prome cu 7:30PM ta drenta informe di un persona lo a cay dal su cabes y ta pidi presencia di ambulance mes ora na sitio.


Bisiñanan ta conta cu nan a scucha zonido fuerte a bin for di den e misa, ta trata di Iglesia Cristiana La Gran Comision situa den Caya Boes Orman ( ex Arendstraat ) y na momento cu nan a bay tira bista kico por a pasa, nan a bin encontra un señora riba vloer cu sanger na su cabes, asumiendo cu ta di e golpi ricibi di e caida.
Mes ora autoridadnan ta presenta na sitio, ta yama ambulance cu urgencia pa atende cu e victima, mientras a trata di haci tur lo posibel, e victima tabata mustra di no tin pulso. Mes ora a pidi un dokter na sitio como tambe autoridadnan competente.


Tin cu menciona cu recherche tambe lo a presenta pa asina cuminsa un investigacion riba e sucedido. Ta spera un informe oficial di autoridadnan.