Aruba Softball Bond trahando fuerte pa hiba seleccion masculino pa un otro nivel preparando pa campeonato di CONSURSA cual lo tuma lugar 1 pa 10 di Juni na Monteria, Colombia.
Aruba Softball Bond tin 4 pitcher internacional di nivel hopi halto hungando den Liga Especial contra seleccion di Aruba. Dialuna ultimo seleccion nacional a enfrenta Piratas. Piratas cu 3 tremendo refuerso den pitcheo. Den e prome wega Eudiomar Toyo di seleccion di Venezuela a pa completo lansando 8 ponche riba seleccion pero wega ta termina 3-3 pa asina inicia e segundo wega di anochi. seleccion Aruba 3 careda, 4 hit, 2 eror. Piratas 3 careda, no a conecta hit y ta comete 3 error. Jair Thompson ta lansa 3 inning y ta permiti tur tres careda desde promer inning tabata hopi descontrola lansando un total di 51 bola den 3 inning ponchando 6 bateador. Jomark Flanegin ta drenta releva 3 inning cu un tremendo control ponchando 1 bateador. Di otro banda Toyo ta tira 8 ponche permitiendo 4 imparable. Miho bateadornan pa seleccion di Aruba ta Jayson orman 3-2, Kelvin Silvania di 2-1 cu un bataso solido den parke. Mesora e di dos wega a inicia unda Aruba ta coy ventaha pa finalmente gana e partido aki contra lansando internacional. seleccion Aruba 7 careda, 4 hit, 1 error. Piratas 5 careda, 5 hit 3 error. Giancarlos Gomez ta lansa e promer 3 inning pa Aruba unda Jorge Santana ta drenta releva. Pa Piratas Jesus leal ta tira 3 entrada super bon ricibiendo relevo di Guillermo Montiel cu a tira 1 inning pa despues Andres Cantillo Gonzalez un otro top pitcher ta drenta pa sera e wega. Pa seleccion di Aruba Giandrick Lacle ta bay 3-2, Jayson Orman 2-1 y Jomark Flanegin di 3-1. Pa Piratas Franny D’Loeo 3-1, Andres Cantillo Gonzalez di 3-2 y William Benitez di 2-1. Diahuebs pa 715pm weganan lo continua riba cancha di Flatstone. Liga Especial a toda maquina.
