Seleccion di Aruba den division U20 a perde su ultimo tres encuentro internacional. E prome wega tabata contra Panama cu a perde 5-0, sigui pa e partido contra El Salvador cu score di 1-4 y por ultimo e wega contra Guatemala cu a perde 1-2.
E paisnan aki cu Aruba a enfrenta ta rank #3, #6 y #11 respectivamente pa region di Caribe. Por tuma nota cu den cada wega Aruba a logra elimina e diferencia den punto. Jomar Boekhoudt a bisa cu ta un lastima cu no a logra gana un wega, pero cu nan ta contento cu e prestacion di e ekipo.
Otro particularidad di e encuentronan aki tabata cu e seleccion di Panama tabatin 1 hungado do di 18 aña, y e resto ta di 19. Den su pool, Aruba tabatin e hungadonan di mas hoben, cu 17 aña y cuater so tin 19. Adicionalmente, e paisnan menciona tin hungadonan profesional den e seleccion.
