Diasabra anochi tabatin bautismo di uniforma nobo di Old Parr Domino Team na Macuarima. Miembronan, famia y amigonan hunto cu representante di Romar Trading a bini hunto pa e ocasion.
Lucas Herman Dirks, presidente di Old Parr Domino Team a splica cu nan tin 26 aña di existencia, consistiendo den su mayoria di hende homber, pero tambe tin algun hende muhe.
Despues di pandemia a dicidi di acerca patrocinado bek y ta masha contento di sigui conta cu e sosten di Milton Harms di Romar Trading.
“Mi ta hopi contento cu mayoria hungado a presenta , nobo y veterano, como assistent di e team. Entusiasmo ta hopi grandi pa e campeonato cu team di Old Parr Domino Team.
Tur diaranson anochi ta entrena cerca Nacho na Macuarima cu ta pone su cas disponibel y pa cual nan ta yam’e danki. Tambe a comparti cu ainda tin espacio pa poco mas miembro, pa esunnan cu por ta interesa. Specialmente ta buscando miembronan mas hoben como generacion di relevo pa esunan cu a lanta e team 26 aña pasa.
