Dialuna atardi, den careda di 4:00 pm, a sosode un accidente riba e caminda di Savaneta. E accidente aki tabata na altura di La Granja Savaneta, unda cu un Honda Accord color shinishi number A-13098 y un Nissan Sentra color shinishi tabata envolvi.
Chauffeur di e Honda Accord a subi caminda sin duna preferencia n’e Nissan Sentra, cu n’e momento ey tabata riba su caminda di preferencia. Ambos auto a sufri daño material minimo.
Polis a presenta n’e sitio pa asina documenta e accidente. Tambe a pidi presencia di ambulance, pasobra e chauffeur di e Nissan Sentra a spanta door di e impacto y a haya sla na curpa.
Durante control di e papelnan, polis a nota cu documento di e Honda Accord no tabata na ordo. Aki polis a hala su atencion riba e echo cu tabata stuur auto sin papel na ordo.
