Diasabra, dia 3 di december, na kapel di Alto Vista tin e prome Santo Misa. Aki pa 6:15 am ta resa Santo Rosario Misterio Gososo, despues ta sigui cu Salve Regina.
Ta invita nos pueblo di Aruba, devoto y fielnan pa asisti na e Santa Rosario prome cu Santo Misa. Cu Mama Maria entersede pa nos na nos Tata Celestial. Pa diasabra mainta nos cuminsa trempan cu palabra di Dios.
Cu nos oracion humilde yega na Tata Altisimo. Corda enfermonan cu ta den exterior. Corda den nos oracion na esunnan cu ta sufri na Ucrania, y pa soldaatnan cu ta bringa den friu.
Ban resa pa necesidad di Iglesia Universal, pa Papa Francisco, Obispo Luis Secco, tur sacerdote, diacono y laico cu ta hiba e bon noticia pa e pueblo di Dios. Pa nos gobernantenan y tur cu ta carga responsabilidad pa nos pais Aruba.
