Awe nos di Pueblo Preocupa kier trece mas atencion na nos communidad pa lo siguiente. Aruba ta goberna pa Gabinete Wever-Croes, un grupo di hendenan cu nan UNICO proposito ta balota inteligencia di un pueblo, di scucha pero no tende e grito di desesperacion di su mes hendenan, di no kier mira e gravedad di e situacion di deteoro den cada hogar y rond di nos Isla.
Hendenan cu ta uza poder politico contra tur esnan cu no ta eens cu nan forma dictatorial di dirigi e pida baranca aki. Asina treciendo discordia y division den tempo nan dificil. Esaki nos tur por a mira riba varios caso unda a kita hende for di nan posicion laboral, na momento cu nan no tabata eens cu maneho di gobierno, of tin un otro escogencia politico.
Un gobierno cu ta hunga cu sentimento, speranza y solidaridad di hende den forma di manipulacion sin limiti, sin midi consecuencia pa cu nos presente y nos futuro .
Gabinete Wever-Croes a hunga cu nos status aparte, caminda awe nos tur ta bibando e realidad cu nos a perde practicamente nos autonomia. (admiti pa prome minister su persona).
Sin papia di e forma con tur ta enrikece nan mes riba custia di nos pueblo imponiendo medidadnan bao e capa di exigencianan di Hulanda. Trociendo asina tur exigencia di Hulanda na beneficio economico pero pa nan mes. Awe kier pone nos kere cu tur cos malo ta bin di Hulanda sin tuma responsabilidad di nan mesun actonan como gobernante cu a permiti cu awe nos no ta baas den nos mes cas.
Nos parlamentarionan di coalicion cu tin e tarea di controla Gabinete Wever-Croes ta mane titere di e ministernan. Nan ta lubida riba e tarea principal cu mandato di un pueblo pa traha na bienestar di un y tur y no pa hunga poppenkast ni shisheria den nos parlamento. Parlamento ta simbolicamente e stem di un pueblo cual merece seriedad y respet.
Aruba ta pasando den momentonan hopi dificil caba, mientras cu Gabinete Wever-Croes ta hasiendo e existencia di nos pueblo mas peor. Asina nos por constata cu tin un problema grandi cu salud mental y social.
Gabinete Wever-Croes ta prefera pa Respaldo yena mas cu nos hendenan enbez di busca un solucion, den area social, un solucion pa cu orarionan laboral, un solucion pa prijsnan di cuminda y cosnan basico, un solucion pa un mihor transporte publico , un solucion pa barionan cu un mihor calidad di bida social entre otro.
Paso esakinan ta puntonan cu den su mayoria ta causa cu hopi ta cai den tristesa, impotencia y desesperacion, consecuentemente cay den un posicion di anciedad ect .
Gabinete Wever-Croes NO ta haciendo NADA pa mehora e calidad di bida di cada ciudadano. Un AZV cu si ta pa nan nunca mester a existi cu awe den nan man nos tur por mira con poco poco e ta keda bay mas atras. Awor kier exigi nos hendenan den e tempo dificilnan aki pa paga eigenbijdrage pa remedi y assistentia medico.
Anto ainda nan ta puntra nan mes di con tin tanto hende den respaldo.
Cuido pa cu otro malesanan a bay atras.
Atencion pa nos grandinan mayor di 70 aña ta practicamente nulo. Nan a contribui cu AZV pa añanan largo pero NO merece cuido medico apropia. Nos muchanan no ta haya oportunidad y enfasis pa un miho alimentacion y derecho na control medico pa cu nan crecemento ect.
Nos di pueblo preocupa kier haci un apelacion na cada un di boso aki na Aruba pa bira mas critico y analisa mas kico nos gobernantenan ta haciendo y ki rumbo nan ta hibando bo futuro y di boso yiunan , wak rond cuanto famia nan a bay laga Aruba y cuanto ta evaluando e posibilidad pa bay paso hopi ta premira un Aruba a la Venezuela si AWE nos no haci algo.
Gabinete Wever-Croes NO ta transparente cu PUEBLO!!!.
