Durante prome encuentro na parlamento pa trata presupuesto supletorio pa ministerionan y D.O.W., dr. mr. Ryçond Santos do Nascimento, parlamentario independiente a trece dilanti cu gobierno no ta cumpli cu proceso legislativo manera mester, y ta bisa cu e pueblo aki pa basta tempo caba ta boga pa un gobierno di calidad.
E parlamentario a recorda riba e carta entrega recientemente na gobernador pa mustra e hecho cu no ta scucha for di Raad van Advies. “Pueblo kier un gobierno di calidad. Corda bon, abo como ciudadano ta paga hopi impuesto. Anto e ora gobernacion mester ta uno di calidad, bo mester haya algo bek p’e.”
Na nivel di mas halto segun e parlamentario, bo no ta mira esey. Na nivel di decision di minister bo ta wak por ehempel den caso di minister di Husticia Rocco Tjon cu a haya sentencia di hues cu ta mustra no solamente minister a faya, pero diferente departamento a faya.
E proceso di tuma decision ta laga di desea. No ta funciona tampoco manera mester. “Esaki no ta algo cu nos a wak awo. Ta 37 aña di gobernacion di e pais aki, di e forma cu no ta profesional y cu na prome luga ta sirbi interes partidario di e politiconan.”
Pa mas lesa TREMPAN.
