Rusia a duna un alerta cu ta existi e riesgo di un “conflicto arma di magnitud” na Venezuela. Tambe Rusia a expresa di su disposicion di participa como mediado pa supera e crisis.
“Lamentablemente no por bisa cu e peliger di un conflicto arma di magnitud a disparce”, e Ministerio di Asuntonan Exterior di Rusia, Maria Zajarova, a afirma den un conferencia di prensa.
E pais ta dispuesto na suma na e mecanismo di mediacion of consulta cu ta aceptabel p’e parti Venezolanonan. “Nos ta saluda e disposicion di presidente di Venezuela (Nicolas Maduro) acepta esfuersonan internacion den e sentido ey,” el a indica. Maria Zajarova a denuncia cu e lider opositor Juan Guaidó. Autoproclama presidente interino di Venezuela, “yama abiertamente e Fuersonan Arma Venezolano pa dal un golpe di Estado.”
“Nos a mira cu epatrocinadonan Occidental (di e oposicion Venezolano) ta anima publicamente y tur medio di e linea distructiva ey. Ta mustra pa Washington no tin limiti”, el a bisa. El a adverti cu e sancionnan cu Merca ta propone pa aplica na e sector petrolero Venezolano ta “un caminda directo na catastrofe, inclui na ecologica.”
E catastrofe ta capaz di provoca un daño ireparabel di bida y e desaroyo di otro paisnan den region. E accion di Merca ta recorda un gran acto di sabotahe cu ta inclui no solamente e dimension politico y ta causa un daño geopolitico den plano internacional.
