Un Centro di Bario Brazil (CBB) completamente yen a presencia e di tres edicion di Cantica di Caya organisa pa directiva di Fundacion Chico Harms (FCH).
Chico Harms, e presidente, ta hopi contento pasobra danki na cooperacion di e participantenan y otro organisacionnan esaki tabata un exito, apesar cu e cantidad di participantenan ta menos.
Un total di 12 artista a participa den e diferente categoria, y cu participacion di cinco banda. Tambe tabatin un categoria di Tambu.
Harms ta contento pasobra e ta sinti cu e nivel ta sigui subi cada aña y ta masha contento cu participa di mucha y hobennan cu ta haci cu e cultura di Aruba ta keda bibo.
Pronto lo tin mas actividad manera Tipico Batacazo den un fiesta, Eleccion di Reina, Parada di Linterna, Fiesta di Tambu y parada grandi mes.
RESULTADO
Den categoria Infantil m na di dos luga a sali Lysann Ras y ganado tabata Lizenne Webb. Den Hubenil e ganado tabata Georvin Angela.
Den categoria Tambu na di dos luga a keda ALdrin Maduro cu “Gosa nos ta gosa bay” y ganado tabata Frenk Kock cu “No tenemi no strobami”.
Pa Loke ta e adultonan di Festival di Cantica di Caya na di tres luga a keda Jelisse Boekhoudt cu e cancion Brasa Bo Cultura; 2do luga a bay pa Hubert Ras cu e cancion “Un direccion” y maximo ganado tabata RobertMaduro cu Laga Caya Papia. Pabien na tur participante y ganadonan.
