Richi Danies: Pais tin cu sali den union pa demostra contra tur abuso dia 30 di september

914

Den conferencia di prensa awe mainta yama pa manifestante activo Richi Danies dilanti parlamento di Aruba, e la haci un yamada na comunidad pa sostene e manifestacion cu lo tuma luga diaranson exactamente aki un siman.

Danies den su declaracion a accentua un biaha mas cu problema riba nos isla no tin di haber cu gobierno of partido politico pero mas bien di un solo persona cu ta “Papa”. Placa no ta yega na e pueblo y pa esaki socode tin cu kita esaki for di man di e persona aki. Ta algo cu e ta bin ta alerta for di mas di tres aña caba.

Otro siman lo organisa manifestacion contra tur sorto di abuso

Posted by 24ora on Wednesday, September 23, 2020

Persona cu ta pasa den calvario pa yega na ayudo na momento di abuso pero no ta logra. Den su lucha hopi ta esnan cu a tuma pa hende loco pero awo cu Hulanda y Bosman tambe a bati alarma riba e situacion di crisis cu e pais ta aden y cu placa ta yega den man di un persona mientras cu e comunidad no ta haya esaki. Asina mes ta sinti cu hopi wowo no a habri ainda.

Richi Danies ta pidi pa e pueblo sali for di su cas pasobra di otro manera esaki no ta bay.

Situacion pa cu abuso sexual di mucha no ta hayando e atencion nesecario y publicando disgusto riba rednan social no ta logra nada. Awe ta cumpli 68 dia cu Danies y su sostenedornan ta hibando un lucha, manifestando na pia di porta di Gobernador sin logra mucho. Tambe hayando dificultad durante Toque de Queda cu na prome instante tabata detene pero asina mes actualmente ta sigui drumi na sitio.

Idea ta pa e manifestacion di dia 30 di september awo pa 5:00PM, ta pa e pueblo demostra, sostene y yena e area dilanti parlamento pa asina e gobernantenan por haya un bista cla di con disgusta tur hende ta cu e situacion andando riba nos isla.