E Dia di Rey ta unico: Cu distancia pero hunto, asina SM Rey Willem-Alexander a bisa durante su conferencia televisa en conexion cu su hacimento di aña. El a bisa di a premira imagennan di cayanan yena cu hendenan di fiesta, pero ta urgi tur hende pa keda cas. “Door di respet pa tur profesional di cuido cu no tin tempo pa celebra Dia di Rey”.
Rey Willem-Alexander a bisa di lo a prefera di pasa e dia na Maastricht; el a gradici tur hende cu a prepara p’e dia festivo cu mester a cancela debi na e medidanan di Coronavirus. Rey Wilem-Alexander a insisti pa tur hende keda cas. “Hopi tabata spera mas e libertad di movecion, incluso aki na cas,” el a bisa. “Pero e Coronavirus a laga nos siña un les.” E ta spera tambe cu Dia di Rey sigui un otro manera unico, un celebracion na cas, cu distancia pero den union.
Haciendo esey, el a referi na e actuacion di Wilhelmus den Concertgebouw, prome cu su discurso. Cada miembro di e orkesta a toca di nan cas, menos e percusionistanan (slagwerkers) cu a toca riba e escenario den e Concertgebouw. Durante dia a pasa imagennan di e encuentro familiar den Paleis Huis Ten Bosch. Ta pasa tur esey via red social y e plataforma special www.koningsdagthuis.nl.
A tene video calls rond Hulanda. E famia Real y otro miembronan di e Famia Real tabatin diferente yamada digital cu gruponan y tayernan, y a papia cu personanan cu a participa. Por ehempel, e pareha Real a haci video call cu trahadonan di cuido di Maastricht UMC+ mientras den nan descanso tabata come tompouce cu e alcalde di municipio di Maastricht.
E Rey tambe a participa na un tayer di Anna Yilmax van Heel Holland Bakt y sesion di pregunta cu Diederik Jekel. Reina Maxima a haci yamada cu tayer di piano di Jeroen van der Boom. Prinses Amalia tabatin comunicacion cu amantenan di cabay cu Anky van Grunsven. Prinses Alexia y Reina Maxima a atende un tayer di vlog cu Enzo Knol.
Prins Constantijn y Prinses Laurentien tambe a participa na un ‘kennisquiz’ di ‘ruimte vaart’ cu André Kuipers. Prins Maurits y Prinses Marilène a tene yamada di video cu Patrick Stoof den con pa ta creativo den traha decoracionnan pa Dia di Rey.