Dialuna mainta trempan dos amigo a dicidi di bay na costa Noord di Aruba pa coy salo. Segun e olanan fuerte tabata dal riba baranca y ora solo seca e awa, e salo ta keda atras. Nan a bay un luga cu nan sa yama “Piedra Preto,” pero den e coymento di salo, un di e amigonan a perde balans y a herida su mes na e barancanan.
Na prome instante e informacion duna tabata cu un auto mester a accidente pisa. A manda diferente unidad di Polis pa e caminda di Matividiri direccion Natural Bridge. Na yegada di Polis, nan a bin haya personal di ambulance tratando e persona herida. Polisnan a bay bek riba nan patruya normal. Despues di un check up medico y tratamento pa sla na cabes, e dos amigonan por a bay for di e sitio.
