Diadomingo 29 di October e ganadornan overall femenino Ruthlyn Webb (6Km) y Aracely Parra (10Km) y e ganadornan overall masculino Zhyon Geerman (6Km) y Jonathan Busby (10Km) di My Guardian Group Walk and Run Aruba 2017, a participa na e di 34 edicion di e My Guardian Group Walk and Run na Corsow y tur a cai den premiacion. Aracely Parra gana 1er Premio den Overall Female y 1er den categoria di su edad 20-29 aña. Ruthlyn Webb a gana 3er lugar Overall Female y 2do lugar den su categoria di edad 20-29 aña. Zhyon Geerman a gana 2do lugar Overall Male y 1er lugar den su categoria di edad 14-19 aña. Jonathan Busby a gana 3er lugar Overall Male y 1er lugar den su categoria di edad 30-39 aña. Malmok Runners cu tambe a bai Corsow pa participa a cai den premicion cu Jovita Maduro, 3er lugar den categoria di edad 50-59 y Marijke Peters 2do lugar den categoria di edad 60-69. Sr. Betto Maduro a keda na 4er lugar den categoria di edad 50-59. E Team di Price Smart tambe a cai den premiacion cu un Amira Parra 2do lugar den categoria di edad 14-19 aña. Staff y personal di Guardian Group Fatum Aruba ta felicita e ganadornan overall femenino y masculino di nos Guardian Group Walk and Run Aruba 2017 cu e gran logro aki na Corsow y tambe felicitacion ta bai na e team di Price Smart, Malmok Runners y na tur otro atletanan di Aruba cu a participa na My Guardian Group Walk and Run na Corsow. Danki pa participa y hasi nos eventonan di Walk and Run na Aruba y Corsow asina popular. Prepara pa Guardian Group Aruba su Walk and Run 2018 cu lo ta ariba diadomingo dia 10 di juni. fb:Guardian Group Dutch Caribbean
