Bureau MFA ta organisa un anochi informativo conhuntamente cu Qredits Microfinanciering Aruba. Qredits ta un fundacion cu ta sostene bo como empresario pa yuda hasi bo negoshi nobo un exito of ta inverti den bo negoshi. Esaki ta wordo hasi door di ofrece recursonan unico pa siña scirbi un plan di negoshi, coaching personal y otorga microfiansa te cu AWG 50.000.
Durante e anochi informativo aki Qredits lo elabora mas ariba:
Ken ta Qredits
Opcionnan y caracteristicanan di credito y proceso di aplicacion
Recursonan di e-learning, templates y mentoring y e futuro programa: Eigenbaas Program
E anochi informativo aki lo tuma luga na MFA Noord dia 7 di november cu orador Geraldine Bardouille, Junior Business Advisor na Qredits Microfinanciering Aruba y na MFA Savaneta dia 9 di November cu orador Oliver Vieira, Senior Business Advisor na Qredits Microfinanciering Aruba. Orario lo ta di 7.00 pm – 9.00 pm y entrada ta completamente gratis. Pa mas informacion por yama MFA Noord na 281-0005 of MFA Savaneta na 281-0010.
Mision di Bureau MFA ta pa ofrece diferente servicio sea publico of priva mas efectivo y mas serca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.
