Diahuebs atardi rond di 4:30pm a surgi un candela na Sweet Garden Bar & Restaurant, situa schuins dilanti Cayena Mall den Caya Betico Croes 222.
Segun informe compila n’e sitio, un coki a bay baño y ora el a bolbe el a haya e luga bou di huma. Mesora a bati alarma. E bomberonan a presenta na e sitio den un tempo record.
Por a nota trahadonan di e luga mes a bay den accion subiendo riba dak cu aparato di paga candela, esta ‘brandblusser’, pa purba evita expansion y mas daño.
Tur cos ta indica cu e ‘afzuigkap’ lo a pega candela y a kima parti di e blafon. Probablemente pa falta di mantencion, azeta bieu ta acumula, cual cu tempo ta crea un laag diki.
Un di dos unidad di bombero tambe tabata presente n’e sitio y a bay den accion mesora parti paden.
E bomberonan a logra domina e candela y a preveni cu e edificio lo a ricibi mas daño. Parti paden di e bar si a sufri poco daño di awa. E doño di e restaurant a confirma cu su negoshi ta sigura contra candela.