Diadomingo, den ora di merdia, wardacosta a notifica di un boto cu problema riba lama y debi na esaki, tur intento pa yega tera bek no tabata resulta.
Ta trata di e boto ‘ KE PASA’, un boto comercial, cu tabata riba un tour cu cuater turista abordo. Den bon cooperacion cu polis maritimo di cuerpo policial (KPA), a logra baha e turistanan aki for di e boto den problema y nabega tera firme cu nan.
Despues e Metal Shark a touw e boto pa pier di Renaissance caminda lo atende y saca afo kico ta locual cu por a sosode riba lama cu e boto.
Wardacosta ta urgi tur cuidadano pa informa wardacosta na momento cu mira algo illegal ta sosede riba lama. Ta conta mescos den caso di cualkier un of otro calamidad of situashon peligroso .
Tuma contacto cu wardacosta na cualkier momento, dia of anochi, na number 913 of via whatsapp na +5999 510 0913.
