Na comienso di e luna aki a drenta e informe cu a suspende Rene Bernabela como presidente di sindicato TOPA pa un periodo di seis luna, efectivo inmediatamente. A informa Bernabela di esaki mediante un carta manda pa e hunta di supervision di e sindicato. Tabata trata aki di un carta di no menos cu cuater pagina den cua a specifica e varios motibonan pa e decision aki. A indica, entre otro, cu Bernabela su comportacion ta dificulta e proceso electoral como tambe e control financiero di e organisacion. Fuera di esey, tambe tabatin cierto preocupacion den cuadro cu no tabata presenta documento tocante e spaar en kredietfonds.
Den un entrevista na Top95, Bernabela a aclaria e cuestion rond di tur esaki. El a cuminsa pa bisa cu despues cu el a desplega e funcion como presidente desde 2006, e ta un total di diesseis cu el a fungi como presidente di sindicato TOPA. Asina el a bisa cu e momento a yega den cua el a dicidi di hala un banda y postula su mes pa miembro di directiva di e sindicato y esun cu ta sinti su mes capacita y kier postula nan mes pa bira presidente, “esaki ta ked ana discrecion n’e miembronan di sindicato TOPA.”
Te cu awo, su funcion a sigui den su curso normal, segun Bernabela, e ta atendiendo tur reunion cu ta coresponde e sindicato y TOPA ta forma parti di SER tambe, pues ta atendiendo varios reunion cu gobierno tambe.
Pa un relato mas amplio, lesa edicion di TREMPAN.
