Tabata for di comienso di e aña aki cu Hulanda a avisa Gobierno di Aruba, pa cumpli loke RED Democratico a bay di acuerdo cu ne tempo cu e tabata den Gobierno: RAft, e reformanan, vooral den enseñansa y e Landenpakket.
Dr. Rudy Lampe, ex-Minister di Enseñansa, a bisa cu Gabinete Wever-Croes tabata sa di e deadline di prome di september y toch no ta cumpli cu ne. E tabata sa cu e lo perhudica e pueblo di Aruba cu mas di 30 miyon florin extra na interes.
Hasta pa un interes mas abou, si yega na un Bestuurlijk Akkoord, lo tira miyones afo di e pueblo di Aruba anualmente. Segun Lampe, Prome minister kier sirbi otro interes cu no ta di e pueblo di Aruba. E ta prefera di sirbi e interesnan di partido MEP.
Nan ta haci tur lo posibel pa proteha e prestigio di famia Croes y di partido MEP.
