Viola Heutger, rector actual di Universidad di Aruba a entrega un buki special na Zetsia Ponson, hefe di Dept. Arubiana. Su titulo ta ‘Sagrado secular: Universidad di Aruba’.
Esaki a keda publica den cuadro di e celebracion di 35 aña di existencia di Universidad di Aruba. E ta duna un bista di e historia di Universidad (di Cas di Frater te Universidad) y Huize de La Salle, desaroyo durante añanan y otro aspecto como tambe e artwork di Universidad di Aruba di entre otro artista Luis A. Castano Benjumea.
E publicacion aki a bira un realidad cu e contribucion di diferente autor, artista y historiado. Art director ta Maria Teresa Madariaga. E publicacion aki ta bira parti di e Coleccion Nacional, ubica na Dept. Arubiana den Bachstraat # 5.
Otro publicacion cu Ponson a ricibi ta ‘Ik lach met Grotius, an alle prullen van boeken: een rechtsgeschiedenis van Curacao’ di Bastiaan D. Van der Velden’. ISBN 9789088501623. Esaki ta un estudio di e historia legal na Corsou di algun siglo.
Alabes Zetsia Ponson a duna Heutger e buki pa Festival di Buki pa Mucha 2023.
