Recientemente a presenta un situacion cu a stop trabou di verf na San Nicolas Store. Monumentenbureau a presenta pa stop e trabou, pasobra no a informa nan cu ta bay verf e edificio, cu ta un monumento. Stichting Monumentenfonds no a informa Monumentenbureau di e trabou y p’esey a bay stop esaki.
Raul Gei, director interino Monumentenbureau, a splica cu nan tin un handboek y a base di esey nan ta traha. Tur hende cu por tin monumento mester pidi un vergunning pa ora di bay drech’e. Na momento cu entrega e peticion, Monumentenbureau ta mira den e handboek. Si ta pa verf so, no mester pidi un permiso pasobra e ta hinca den e handboek. Pero unabes ta bay drecha un trabou di pleister of drecha scheur, eseynan si mester pidi un permiso.
Doño di e edificio mester informa Monumentenbureau di e trabounan cu ta bay cuminsa. No ta asina cu ken cu ta bay haci algo riba monumento y pone un verf robes cu ta daña e edificio.
Manera e handboek ta bisa, nan mester a informa Monumentenbureau y den e caso aki Stichting Monumentenfonds no a haci esey di biaha. Consecuentemente Monumentenbureau a bay para e trabou, pero a haya informacion cu tabata un fout di Stichting Monumentenfonds pa no informa nan.
Pa mas lesa TREMPAN.COM.
