E di dos sospechoso den caso di atentado contra Peter R. de Vries, ta e rapper Delano G. di 21 aña, procedente di Rotterdam. Ta trata aki di un homber di descendencia Arubiano, conoci pa polis. Asina fuentenan ariba De Telegraaf a indica. Medionan di comunicacion na Aruba y Corsou a duna di conoce cu su fam ta Geerman.
Polis di Amsterdam no kier duna informacion di identidad of background di e otro dos sospechosonan pa no stroba e investigacion. Tambe door cu e dosnan aki ta den den detencion preventivo. Nan lo bay dilanti hues comisario diabierna proximo. E di dos sospechoso ta e Polaco Kamil E., biba na Maurik. Siman pasa polis a detene Kamil E. caba basa riba un denuncia contra dje pa menasa.
Tambe autoridadnan lo a deduci caba e supuesto rolnan di e dos sospechosonan. Esun cu a los e cinco (5) tironan riba de Vries lo ta e hoben Delano G y esun cu a stuur e auto den cual nan a huy lo tabata e Polaco Kamil E.
Leyenda: Denalo Geerman sospecha di ta esun cu a los e cinco (5) tironan riba Peter de Vries.
